ការសរសេរសារណាការគ្រប់គ្រងធនធានមនុស្ស(ជំពូកទី ២) ត

ការសរសេរសារណាការគ្រប់គ្រងធនធានមនុស្ស(ជំពូកទី ២) ត

២.៤. ការបណ្ដុះបណ្ដាល និងការអភិវឌ្ឍន៏បុគ្គលិក

ការបណ្តុះបណ្តាលធនធានមនុស្សមានសារៈសំខាន់បំផុត និងធ្វើឲ្យអង្គភាពថ្មីៗទទួល​បាននូវភាពជោគជ័យក្នុងអាជីវកម្ម។

២.៤.១. និយមន័យ (Definition)

        ការបណ្តុះបណ្តាល គឺជាដំណើរការនៃការបង្រៀនកម្មករនិយោជិតថ្មីនូវជំនាញជា មូលដ្ឋាន ដែលពួកគេត្រូវបំពេញការងាររបស់ពួកគេ។ (យោង Gary Dessler (2005), Human Resource Management ,page 287)។

២.៤.២. ការកំណត់ទិសដៅ

        ការកំណត់ទិសដៅ គឺជាការណែនាំដល់បុគ្គលិកថ្មីនៅក្នុងអង្គភាពអាជីវកម្មមួយនៅ កន្លែងធ្វើ ការងាររបស់ពួកគេ ការតម្រង់ទិសដៅដែលទទួលបានពីបុគ្គលិកដូចគ្នានូវបណ្ដា ព័ត៌មានមិនច្បាស់­លាស់។ ការតម្រង់ទិសបុគ្គលិក គឺជាដំណើរការសំរាប់ផ្ដល់នូវព័ត៌មានថ្មី ដល់បុគ្គលិកថ្មីដូចជាស្ថាន­ភាពទូទៅរបស់ក្រុមហ៊ុនរចនាសម្ព័ន្ធនៃការគ្រប់គ្រង និងច្បាប់ វិន័យការងាររបស់ក្រុមហ៊ុន (Gary Desslerç 2000)។

ក. កម្រិតពីផ្សេងគ្នាសម្រាប់ការតម្រង់ទិសដៅបុគ្គលិកថ្មី

ការណែនាំពីទិដ្ឋភាពទូទៅរបស់អង្គភាពថ្មីប្រធានបទ ដែលបានបង្ហាញក្នុងការណែនាំទិដ្ឋភាព ទូទៅរបស់អង្គភាពដល់បុគ្គលិកថ្មីនេះគួរតែផ្អែកលើតម្រូវការពិតជាក់ស្ដែង​ទាំងអង្គភាព និង​បុគ្គលិក សមត្ថភាពដ៏ប្រសើរមួយរវាងតម្រូវការរបស់អង្គភាព និងតម្រូវការរបស់និយោជិតគឺចាំបាច់ណាស់ ប្រសិនបើកម្មវិធីតម្រង់ទិសទៅដល់បុគ្គលិកថ្មីទទួលផលវិជ្ជមាន។ ការតម្រង់ទិសថ្មីតាមផ្នែក ឬ​ការិយាល័យមាតិការនៃការតម្រង់ទិសដល់បុគ្គលិកតាមផ្នែក ឬការិយាល័យ គឺផ្អែកទៅលើការ ចាំបាច់របស់អង្គភាពផ្នែក ឬការិយាល័យជំនាញរួមទាំងបទពិសោធន៍របស់បុគ្គលិកថ្មីនោះ បុគ្គលិក​ដែលមានបទពិសោធន៍ភាគច្រើន គឺត្រូវការតម្រង់ទិសតិចតួច។ ដូចនេះ ទោះបីបុគ្គលិកមានបទ­ពិសោធន៍ក៏ដោយត្រូវតម្រង់ទិសខ្លះៗដែរ។

២.៤.៣. ការបណ្ដុះបណ្ដាលបុគ្គលិក

ការបណ្ដុះបណ្ដាល គឺជាការបំពាក់បំប៉ននូវចំណេះដឹង សមត្ថភាព និងជំនាញ ការចាំបាច់ បន្ដែមទៀតទៅដល់បុគ្គលិកថ្មីដើម្បីចាប់ផ្ដើមរួមចំណែកជាមួយការងារក្នុងអង្គភាព។ ម្យ៉ាងវិញទៀត វាជារបៀបវីរៈមួយដែលបានផ្ដួចផ្ដើមឡើងដោយអង្គភាពអាជីវកម្មក្នុងការជំរុញឲ្យមានការរៀនសូត្រ នៅក្នុងចំណោមបុគ្គលិករបស់អង្គភាព ដើម្បីកសានូវកម្រិតប្រសិទ្ធភាពនៃការងារ។ មិនតែប៉ុណ្ណោះ វាផ្ដល់ឲ្យបុគ្គលិកនូវការហ្វឹកហ្វឺននូវជំនាញដ៏ជាក់លាក់ ឬជួយគេរាល់ការបំពេញលើអ្វីដែលមានការ​ខ្វះខាតនៅក្នុងការប្រតិបត្តិលើការងាររបស់ពួកគេ។

ក. ការប៉ាន់ស្មាននូវការបណ្ដុះបណ្ដាលបុគ្គលិក

ការណ្ដុះបណ្ដាលត្រូវបានគ្រោងឡើង ដើម្បីជួយឲ្យអង្គភាពអាចសម្រេចបាននូវគោលដៅ​របស់ខ្លួន។ ការកំណត់នូវតម្រូវការបណ្ដុះបណ្ដាលជាជំហានៗមួយសម្រាប់ធ្វើការវិនិច្ឆ័យទៅលើការ​កំណត់គោលដៅនៃការបណ្ដុះបណ្ដាល។ ម្យ៉ាងវិញទៀត ក្នុងនាមជាអ្នកគ្រប់គ្រងត្រូវធ្វើការសិក្សា ឲ្យបានច្បាស់លាស់មុននឹងធ្វើផែនការធនធានមនុស្ស គឺជាយុទ្ធសាស្រ្តដែលអាចត្រូវបានធ្វើឡើង​ដើម្បីធ្វើឲ្យដំណើរការរបស់អង្គភាពដែលមាន គុណភាព មានប្រសិទ្ធភាពល្អ ប្រសើរឡើងនៅក្នុង​ការគ្រប់គ្រងអាចកំណត់ការបណ្ដុះបណ្ដាលរបស់បុគ្គលិកតា​មរយៈការវិភាគបីប្រភេទដូចខាងក្រោម

-   ការវិភាគអង្គភាព ៖ គឺជាមធ្យោបាយដំបូងនៃការវិនិច្ឆ័យតម្រូវការបណ្ដុះបណ្ដាល និងជា​ប្រព័ន្ធមួយនៅក្នុងចំណែក នៃការរៀបចំផែនការជាយុទ្ធសាស្រ្ត នៃធនធានមនុស្សរបស់អង្គភាព។ ជាងនេះទៀតវាចាំបាច់ណាស់សម្រាប់ការកំណត់នូវ ចំណេះដឹង ជំនាញ សមត្ថភាព លទ្ធភាពដែល​បុគ្គលិកត្រូវការទាំងពេលបច្ចុប្បន្ន និងអនាគតរបស់ស្ថាប័ន ឬអង្គភាពដែលត្រូវការធនធានមនុស្ស។

-   ការវិភាគការងារ៖ គឺជាមធ្យោបាយទីពីរនៃការវិនិច្ឆ័យតម្រូវការបណ្ដុះបណ្ដាល គឺតាមរយៈ​ការវិភាគលើការងារទាំឡាយ ដែលបានអនុវត្តន៍ក្នុងអង្គភាព ដូចនេះវាចាំបាច់ណាស់ដើម្បីយល់ដឹង​នូវអ្វីដែលជាលក្ខខណ្ឌការងារក្នុងអង្គភាពនោះ។ ការពិពណ៌នា​ការងារ និងការបញ្ជាក់ច្បាស់ពី​សមត្ថភាពការងារ គឺត្រូវបានផ្ដល់នូវព័ត៌មាននូវប្រតិបត្តិការងារ ដែល​បានរំពឹងទុកព្រមទាំងជំនាញ​ចាំបាច់សម្រាប់បុគ្គលិក ដើម្បីសម្រេចការងារបាន ជាក់លាក់ដោយ ប្រៀបធៀបនូវលក្ខខណ្ឌទាំង​ឡាយរវាងការងារជាមួយនឹងចំណេះដឹង ជំនាញ សមត្ថភាពរបស់បុគ្គលិកទាំងនោះទៅនឹងតម្រូវការ​បណ្ដុះបណ្ដាលដែលបានកំណត់ទុក។

-   ការវិភាគបុគ្គលិក៖ មធ្យោបាយទីបីនៃការវិនិច្ឆ័យតម្រូវការបណ្ដុះបណ្ដាល គឺជាការផ្ដោត អារម្មណ៍ទៅលើបុគ្គលិក ក្នុងអង្គភាពថាតើពួកគេអនុវត្តន៍ការងារបែបណា។ ដើម្បីវិភាគការបណ្ដុះ­បណ្ដាលតាមរយៈដំណើរការវាយតម្លៃប្រតិបត្តិរាល់កង្វះខាតរបស់បុគ្គលិកត្រូវតែកំណត់ឡើងតាម­រយៈការត្រួតពិនិត្យមើលលក្ខណៈជាប្រព័ន្ធមួយ។ មធ្យោបាយមួយទៀតតាមរយៈការសាកសួរទៅ បុគ្គលិកជាអ្នកគ្រប់គ្រង និងបុគ្គលិកមិនមែនជាអ្នកគ្រប់គ្រង ដោយសារការស្ទាបស្ទង់ក្នុងការធ្វើ សម្ភាសន៍ ឬការធ្វើតេស្ត។

ខ. វិធីសាស្រ្តក្នុងការបណ្ដុះបណ្ដាលបច្ចេកទេសនៃការអភិវឌ្ឍន៍ និងការ​បណ្ដុះបណ្ដាល

បុគ្គលិកត្រូវបានអង្គភាព ជាច្រើនអនុវត្តន៍ក្នុងគោលបំណង ដើម្បីពង្រីក សមត្ថភាព និង ជំនាញបុគ្គលិករបស់ខ្លួន។ ជាងនេះទៅទៀតបច្ចេកទេសនៃការបណ្ដុះបណ្ដាលអាចធ្វើឡើងនៅក្នុង កន្លែងការងារ និងខាងក្រៅកន្លែងការងារ។

-   បច្ចេកទេសក្នុងការបណ្ដុះបណ្ដាលនៅនឹងកន្លែងធ្វើការ ៖ ប្រភពនៃការបណ្ដុះបណ្ដាល ដែលគេនិយមធ្វើនៅគ្រប់កម្រិតក្នុងអង្គភាព គឺជាការបណ្ដុះបណ្ដាលនៅនឹងកន្លែងធ្វើការទោះបីការ បណ្ដុះបណ្ដាលនោះមិនគ្រោងទុកក៏ដោយ ក៏បុគ្គលិកខិតខំប្រឹងប្រែងរៀនសូត្រអំពី បទពិសោធន៍ថ្មីៗ សម្រាប់ការងាររបស់ខ្លួនផងដែរ។ ម៉្យាងវិញទៀត ការហ្វឹកហាត់បែបនេះធ្វើឲ្យបុគ្គលិកបានយល់ កាន់តែច្បាស់នូវសញ្ញាណដើមនៃគោលបំណងការងារ និងទទួលបានការបកស្រាយបំភ្លឺមួយជំហាន​ម្ដងៗអំពីការប្រតិបត្តិការងារ។

-   បច្ចេកទេសនៃការបណ្ដុះបណ្ដាលនៅក្រៅកន្លែងធ្វើការ ៖ គឺជាការបន្ថែមទៅលើការបណ្ដុះ­បណ្ដាលនៅកន្លែងធ្វើការ និងនៅក្រៅកន្លែងធ្វើការជាទូទៅគឺវាមានលក្ខណៈជាការចាំបាច់ណាស់ គឺដើម្បីផ្ដល់នូវចំនេះដឹងនៅក្រៅកន្លែងធ្វើការដល់បុគ្គលិករបស់ស្ថាប័ន ឬអង្គភាពល្អប្រសើរ។ វិធី​សា្រនៃការបណ្ដុះបណ្ដាលបុគ្គលិកនៅក្រៅកន្លែងធ្វើការរួមមាន ការបណ្ដុះបណ្ដាល គឺតាមគ្រឹះស្ថាន​អប់រំទាំងក្នុង និងក្រៅប្រទេសការចូលរួមសន្និសិដ្ឋ និងការចូលរួមកិច្ចការពិភាក្សា លើប្រធានបទ​ដែលមានការពាក់ព័ន្ធអនុវត្តន៍ការងាររបស់ពួកគេជួបប្រទះជាក់ស្ដែង។