KH Knowledge

របស់៩យ៉ាងដ៏ល្អប្រសើរបំផុតសម្រាប់មនុស្សរួមមាន៖ ១- ទ្រព្យសម្បត្តិដ៏មានតម្លៃបំផុតរបស់ខ្ញុំគឺសុខភាពល្អ ២- ជម្រកដ៏កក់ក្តៅបំផុតរបស់ខ្ញុំគឺគ្រួសារដែលមានសុភមង្គលនិងកល្យាណមិត្ត ៣- អាហារដែលធ្វើឱ្យខ្ញុំមានសម្រស់ដ៏ល្អស្អាតបំផុតគឺចំណេះវិជ្ជានិងកិរិយាមារយាទល្អ ៤- គ្រឿងអលង្ការដែលលំអខ្ញុំបានល្អស្អាតបំផុតគឺកិត្តិយសល្អ ៥- គន្ធពិដោរដែលជួយឱ្យខ្ញុំក្រអូបបំផុតគឺកេរ្តិ៍ឈ្មោះល្អ ៦- ឱសថរបស់ខ្ញុំដែលអាចព្យាបាលរោគមនុស្សបានច្រើនមុខនិងសក្ដិសិទ្ធិបំផុតគឺសម្មាវាចា ៧- ភេសជ្ជៈដែលមានរសឆ្ងាញ់និងត្រជាក់បំផុតរបស់ខ្ញុំគឺចិត្តត្រជាក់ ចិត្តស្ងប់ ៨- កម្លាំងដ៏ខ្លាំងបំផុតរបស់ខ្ញុំគឺកម្លាំងចិត្តនិងកម្លាំងបញ្ញា ៩- ជីវិតដែលមានន័យនិងសប្បាយបំផុតរបស់ខ្ញុំគឺការរស់នៅប្រកបដោយគុណតម្លៃ គុណធម៌ និងសម្មាជីវៈ។ #បេសកកម្មជីវិត (ទោះរបស់ខ្លះពិបាករក ពិបាកទទួលបាន និងលំបាករក្សាវាទុកណាស់ ហើយមិនទាន់ដឹងថាខ្លួនឯងមានអ្វីច្រើនខ្លះហើយក៏ដោយ តែខ្ញុំត្រូវខំរកបន្ថែមនិងរក្សាវាជាបន្ត)។

*មូលហេតុចំបង 7 យ៉ាង ដែលនាំឱ្យបរាជ័យក្នុងការប្រកួតប្រជែង ឬក្នុងសមរភូមិ។ ១. មិនស្គាល់ខ្លួនឯង (មិនដឹងពីកម្លាំង សមត្ថភាព ចំណុចខ្លាំង និងចំណុចខ្សោយខ្លួនឯង និងក្រុមខ្លួនឯង) ២. មិនស្គាល់គូបដិបក្ស (មិនដឹងពីកម្លាំង សមត្ថភាព ចំណុចខ្លាំង និងចំណុចខ្សោយគូបដិបក្ស) ៣. មិនស្គាល់ថានរណាជាសម្ព័នមិត្ត នរណាជាគូបដិបក្ស/សត្រូវ (យកមិត្តធ្វើជាសត្រូវ យកសត្រូវធ្វើជាមិត្ត) ៤. ស្គាល់មិត្ត ប៉ុន្តែមានចិត្តច្រណែន និន្ទា ចង់កំចាត់មិត្តចេញ ធ្វើឱ្យមិត្តក្លាយទៅជាសត្រូវ ៥. មានទំនាស់ផ្ទៃក្នុង នាំឱ្យបែកបាក់សាមគ្គីភាព ៦. គ្មានអ្នកដឹកនាំល្អ និងគ្មានមធ្យោបាយដឹកនាំ ឬយុទ្ធសាស្ត្រដឹកនាំប្រកបដោយប្រសិទ្ធិភាព ៧. គ្មានមធ្យោបាយ និងយុទ្ធសាស្ត្រទំនាក់ទំនងល្អ និងប្រកបដោយប្រសិទ្ធិភាព។ *មូលហេតុចំបង 7 យ៉ាង ដែលនាំឱ្យទទួលជោគជ័យក្នុងការប្រកួតប្រជែង និងក្នុងសមរភូមិ ៖ ១. ស្គាល់ខ្លួនឯង (ដឹងពីកម្លាំង សមត្ថភាព ចំណុចខ្លាំង និងចំណុចខ្សោយខ្លួនឯង និងក្រុមខ្លួនឯង) ២. ស្គាល់គូបដិបក្ស (ដឹងពីកម្លាំង សមត្ថភាព ចំណុចខ្លាំង និងចំណុចខ្សោយគូបដិបក្ស) ៣. ស្គាល់ថានរណាជាសម្ព័នមិត្ត នរណាជាគូបដិបក្ស/សត្រូវ រួចហើយរិតចំណងជាមួយសម្ព័ន្ធមិត្តឱ្យបានស្អ

មូលហេតុ ៣ យ៉ាង ដែលមនុស្សមានគុណធម៌ មិនតបត ទៅនិងការជេរប្រមាថ៖ ១. មនុស្សមានគុណធម៌មានការអធ្យាស្រ័យខ្ពស់ (ខន្តី) ២. មនុស្សមានគុណធម៌ចេះគ្រប់គ្រងចិត្ត មិនរងទុក្ខ ឬរងផលប៉ះពាល់ដោយការជេរប្រមាថ។ ប៉ុន្តែផ្ទុយទៅវិញ មានចិត្តអាណិត អាសូរដល់អ្នកដែលជេរប្រមាថនោះ ៣. មនុស្សមានគុណធម៌ជាមនុស្សមានឥស្សរភាព ឬស្ថិតនៅទីខ្ពស់ ហើយការជេរប្រមាថប្រៀបបានទៅនឹងការស្តោះទឹកមាត់។ មានន័យថា បើគេជេរមនុស្សមានគុណធម៌ ស្មើនឹងស្តោះទឹកមាត់ឡើងលើ ដូច្នេះទឹកមាត់ស្អុយរបស់គេ និងធ្លាក់ត្រូវក្បាលខ្លួនគេវិញទេ។

ជាទ្រព្យ/ធនធាន ឬជាបំណុល? ពលរដ្ឋខ្មែរ ដែលមានអាយុតិចជាង 35 ឆ្នាំ មានចំនួនរហូតដល់ទៅ 72% នៃប្រជាពលរដ្ឋសរុប។ កម្រមានប្រទេសឯណានៅក្រោមមេឃ មានពលរដ្ឋវ័យក្មេងច្រើនដូច្នេះទេ។ ពលរដ្ឋអាចជាទ្រព្យ/ធនធានផង និងអាចជាបំណុលផង... ១. ពលរដ្ឋដែលជាទ្រព្យ/ធនធាន៖ - មានចំណេះវិជ្ជា និងជំនាញច្បាស់លាស់ អាចធ្វើការ ឬបង្កើតអាជីវកម្ម ដែលទទួលបានចំណូលសមរម្យ។ - មានគុណធម៌ និងសីលធម៌ ក្នុងការរស់នៅ - មានសុខភាពល្អ ទាំងផ្នែករាងកាយ និងសុខភាពផ្លូវចិត្ត - ឧស្សាព្យាយាម និងចេះច្នៃប្រឌិត - មានឧត្តមគតិ និងមន:សិកាស្នេហាជាតិ និងបម្រើផលប្រយោជន៍ខ្លួនឯងផង និងផលប្រយោជន៍សង្គមផង ២. ពលរដ្ឋដែលជាបំណុល៖ - អវិជ្ជា គ្មានចំណេះដឹង ឬជំនាញពិតប្រាកដ - មានចរិតពាល ធ្វើសកម្មភាពពាលា អសីលធម៌ និងប្រព្រឹត្តិអំពើទុច្ចរិតគ្រប់ប្រភេទ - មានបញ្ហាសុខភាព ផ្នែករាងកាយ និងផ្លូវវចិត្ត - ញៀនគ្រឿងស្រវឹង ឬថ្នាំញៀន និងល្បែងសុីសង - ខ្ជឹលច្រអូស - អាត្មានិយម (គិតតែពីប្រយោជន៍ផ្ទាល់ខ្លួន) *អ្នកដឹកនាំប្រទេសត្រូវមានគោលនយោបាយធ្វើឱ្យពលរដ្ឋក្លាយជាទ្រព្យ/ធនធាន និងទប់ស្កាត់ពលរដ្ឋមិនឱ្យក្លាយទៅជាបំណុល។ *ឪពុកម្តាយ ឬអាណាព្យាបាលមានកាតព្វកិច្ចធ្វើឱ្យកូន ឬសមាជិកក្នុងបន្ទុករ

តើអ្វីជាការពិត និងអ្វីជាការសន្មត់?   - កុំដោយសារតែពពកខ្មៅបាំងភ្នែកយើង បែរជានាំគ្នាសន្មតថាមេឃខ្មៅងងឹត។ មេឃមិនដែលប្រែពណ៌ជាខ្មៅម្តងណាឡើយ។ - កុំដោយសារឃើញមនុស្សស្រក់ទឹកភ្នែក បែរជាសន្មត់ថាគេសុទ្ធតែមានបញ្ហា ឬក្តីទុក្ខសោក។ មានពេលខ្លះមនុស្សក៏ស្រក់ទឹកភ្នែកដោយសារតែគេមានក្តីរំភើបខ្លាំងដែរ។ - កុំដោយសារតែចិត្តអគតិ (លម្អៀង) របស់យើង បែរជានាំគ្នាសន្មត់ថាគេជាមនុស្សអាក្រក់ពិសពុល។ មនុស្សគ្រប់រូបតែងមានចំណុចល្អ និងចំណុចមិនល្អ ទោះតិច ឬច្រើន។  ដូច្នេះយើងត្រូវសង្កេតមើលអំពីនិន្នាការនៃទង្វើដោយចិត្ត ដោយកាយ និងដោយវាចារបស់គេ និងទុកឱ្យពេលវេលាជាអ្នកបញ្ចាក់ការពិត។  * បុគ្គលដែលមានប្រាជ្ញា មិនឆាប់ធ្វើការសន្មតតាមការមើលដោយភ្នែក ឬស្តាប់ដោយត្រចៀក ឬក៏តាមអារម្មណ៍របស់ខ្លួនតែប៉ុណ្ណោះនោះទេ។ គេត្រូវឈ្វេងយល់ពីគ្រប់ជ្រុង ស្វែងរកពត៌មាន និងភស្តុតាង ហើយតាមដាន និងសង្កេតមើលសកម្មភាពនៃចិត្ត កាយ និងវាចា មុននឹងធ្វើការសន្មត់ ឬសន្និដ្ឋានទៅលើនរណាម្នាក់ ឬអ្វីមួយ។

គុណសម្បត្តិ ៩ យ៉ាងដែលធ្វើឱ្យមនុស្សមានឥទ្ធិពល... ១. មានព្រហ្មវិហារធម៌ និងគុណធម៌ ២. មានប្រាជ្ញា ជំនាញ និងបទពិសោធន៍ ៣. មានភាពសុចរិត និងស្មោះត្រង់ ៤. មានឆន្ទ:ជាអ្នកបម្រើសង្គម និងធ្វើសកម្មភាពបម្រើសង្គម ៥. មានចរិតជាអ្នកដឹកនាំ ដែលបង្កើតអ្នកដឹកនាំបន្តវេន ៦. មានការលះបង់ និងពលិកម្ម ដើម្បីផលប្រយោជន៍អ្នកផ្សេង ៧) មានភាពរួសរាយរាក់ទាក់ និងការទាក់ទាញ ៨) មានជំនាញទំនាក់ទំនង និងការផ្សាភ្ជាប់ទៅក្នុងបណ្តាញសង្គម ៩) មានមុខរបរ និងការងារ ដែលអាចទទួលបានប្រាក់ចំណូលសមរម្យ (មិនមានសម្ពាធសេដ្ឋកិច្ច/ថវិកា)

កំហុស ៦ យ៉ាងរបស់មនុស្ស ១) ចង់បានឱ្យមនុស្សគ្រប់គ្នាឯកភាព ឬយល់ឃើញដូចខ្លួន ២) ចង់បានឱ្យមនុស្សគ្រប់គ្នាស្រឡាញ់ និងចូលចិត្តខ្លួន ៣) រំពឹងថាមានយុត្តិធម៌ស្មើៗគ្នាចំពោះមនុស្សទាំងអស់ ៤) បំផ្លាញក្តីសុខខ្លួនឯងដោយការស្អប់ ច្រណែននិន្ទា កំហឹង គំនុំ និងការប្រច័ណ្ឌ ៥) មិនចេះធ្វើឱ្យខួរក្បាលសម្រាក និងធ្វើឱ្យចិត្តស្ងប់ ៦) បន្ទាបឥស្សរភាពរបស់ខ្លួន ដោយចាញ់អនុភាពនៃកិលេស