Skip to main content

ABRAHAM LINCOLN៖ បើខ្ញុំមានពេលវេលា ៨ម៉ោង ដើម្បីកាប់ដើមឈើ ខ្ញុំនឹងចំណាយពេល ៦ម៉ោងដើម្បីសំលៀងពូថៅ

ABRAHAM LINCOLN៖ បើខ្ញុំមានពេលវេលា ៨ម៉ោង ដើម្បីកាប់ដើមឈើ ខ្ញុំនឹងចំណាយពេល ៦ម៉ោងដើម្បីសំលៀងពូថៅ

មនុស្សដែលគ្មានជំនាញ និងបទពិសោធក្នុងាការងារ គួរតែស្វែងរកចំណេះដឹងឱ្យបានច្រើនជាមុនសិន និងមានជំនាញពិតប្រាកដមួយ (សំលៀងពូថៅ)  ដើម្បីទៅធ្វើកិច្ចការនោះប្រកបដោយប្រសិទ្ធភាព នោះពេលកាំអ្វីមួយនឹងបានមុតខ្លាំង កាប់ឆាប់ដាច់ សម្រេចគោលដៅជាដើម។ ត្រូវមួយពូថៅណាក៏ដាច់ មួយពូថៅណាក៏មុត ហើយអ្នកប្រើកម្លាំងតែបន្តិចនឹងអាចរម្លំដើមឈើនោះបានពុំខានឡើយ។
លោកប្រធានាធិបតីទី ១៦ របស់សហរដ្ឋអាមេរិក Abraham Lincoln បានមានប្រសាសន៍ថា «ប្រសិនបើខ្ញុំមានពេលវេលា ៨ម៉ោង ដើម្បីកាប់ដើមឈើដ៏ធំមួយ ខ្ញុំនឹងចំណាយពេល ៦ម៉ោងដើម្បីសំលៀងពូថៅ»។
Image result for abraham lincoln chopping wood
ក្នុងអត្ថន័យនេះដែរ ចង់បង្ហាញយើងថា ការប្រើប្រាស់ពេលវេលាដែលមាន ២៤ម៉ោង ធ្វើការងារទាំងគ្មានផែនការ គ្មានយុទ្ធសាស្ត្រ គឺពិបាកក្នុងការសម្រេច​ផែនការណាស់ ទោះបីចំណាយកម្លាំងច្រើនប៉ុនណាក៏ដោយ តែបើយើងមានយុទ្ធសាស្ត្រល្អ សំលៀងពូថៅឱ្យតែមុតល្អ ចំណាយពេលតែ ១ម៉ោង ឬ ២ម៉ោង នឹងអាចកាប់ដើមឈើនោះរលំបានជាក់ជាងពុំខាន។
ចំពោះលោក Abraham Lincoln គាត់សុខចិត្តប្រើពេលវេលាសំលៀងពូថៅឱ្យច្រើនជាងការកាប់ដោយគ្មានយុទ្ធសាស្ត្រ ចេះតែកាប់ទាំងងងឹតងងុល ប្រើតែកម្លាំងបាយ មិនចេះប្រើប្រាជ្ញារបស់ខ្លួនដែលមាន។ ដូច្នេះបើចង់កាប់ដើមឈើធំបាន (សម្រេចជោគជ័យ) អ្នកត្រូវតែប្រើពេលក្នុងការសំលៀងពូថៅឱ្យបានមុតល្អជាងមុនសិន ពេលនោះយើងប្រើកម្លាំងតិច តែទទួលបានលទ្ធផលធំជាង ច្រើនជាងពុំខាន។ ចូរកុំប្រើកម្លាំងដូចជាក្របីអូសរទះ តែត្រូវឆ្លាតដូចទន្សាយប្រើប្រាជ្ញាល្អជាង៕

អត្ថបទ៖ មនោ វិជ្ជា (អ្នកនិពន្ធ និងស្រាវជ្រាវ)
៙រក្សាសិទ្ធិគ្រប់យ៉ាង

Comments

Popular posts from this blog

ការសរសេរសារណាការគ្រប់គ្រងធនធានមនុស្ស(ជំពូកទី ២)

ការសរសេរសារណាការគ្រប់គ្រងធនធានមនុស្ស( ជំពូកទី ២) ជំពូកទី ២ ការរំលឹកទ្រឹស្តី ២.១. លំនាំដើមនៃការគ្រប់គ្រងធនធានមនុស្ស ( Introduction Human Resource Management) ការគ្រប់គ្រងធនធានមនុស្ស ត្រូវបានគេចាត់ទុកថាជាអាទិភាពនៅក្នុងដំណើរការអភិវឌ្ឍន៍លើ​ធនធានមនុស្ស ​ជាទូទៅអង្គភាពទទួលបានជោគជ័យក្នុងការអភិវឌ្ឍន៏ការងារ របស់ខ្លួនអាស្រ័យ​ដោយមានធនធានមនុស្សគ្រប់គ្រាន់នៅក្នុងការងារអង្គភាព។ ២.១.១ . និយមន័យការគ្រប់គ្រងធនធានមនុស្ស( Definition of Human Resources Management)         ការគ្រប់គ្រងធនធានមនុស្សគេបានឲ្យនិយមន័យផ្សេងៗគ្នា៖ ការគ្រប់គ្រងធនធានមនុស្ស គឺជាដំណើរការនៃការធ្វើផែនការ ការជ្រើសរើស ការវាយតម្លៃ និងការផ្តល់នូវសំណងដល់និយោជិតម្នាក់ៗដែលបានបម្រើការងារក្នុងអង្គភាព ស្ថាប័ន ​ ឬដើម្បី សម្រេចបាននូវគោលបំណងរបស់អង្គភាព ឬស្ថាប័នប្រកបដោយប្រសិទ្ធភាព និងភាពស័ក្តិសិទ្ធិ។ ហើយការគ្រប់គ្រងធនធានមនុស្សសំដៅលើគោលនយោបាយរបស់អង្គ­ ភាព ការអនុវត្តន៍ ឥរិយាបទ អាកប្បកិរិយា ពីការអនុវត្តន៍ការងាររបស់បុគ្គលិកក្នុងអង្គភាព។ ( យោងតាម H. John Bernadin 2010, 5 th Edition, Human Resources Managermant, McGraw-Hill Company, Inc., New

ការសរសេរសារណាការគ្រប់គ្រងធនធានមនុស្ស(ជំពូកទី ១)

                 ការសរសេរសារណាការគ្រប់គ្រងធនធានមនុស្ស( ជំពូកទី១) ជំពូកទី១ សេចក្តីផ្តើម ១ . ១. លំនាំបញ្ហានៃការស្រាវជ្រាវ (Background Rational) ភាពរីកចម្រើនខាងសេដ្ឋកិច្ចទីផ្សារសេរីនាពេលបច្នុប្បន្នលើពិភពលោកមានសន្ទុះយ៉ាងលឿនហើយវាបានទំលុះព្រំដែនពាណិជ្ជកម្ម នៃបណ្តាលប្រទេសលើសកលលោក ដែលបានផ្តល់ឱកាស ដល់ក្រុមហ៊ុន និងអង្កការនានាចាប់បសដិសន្ធិឡើងតាមបណ្តាលប្រទេសជាច្រើន។ ក្រុមហ៊ុន និង អង្គការទាំងនោះបង្កើតឡើងដើម្បីប្រតិបត្តិការណ៍សកម្មភាពពាណិជ្ជកម្ម និងប្រឹងប្រែងអនុវត្តសកម្ម ­ ភាពនានា របស់ខ្លួនក្នុងគោលបំណងទទួលបានផលប្រយោជន៍សម្រេចគោលដៅឲ្យសមស្របទៅ បេសកម្ម និងទស្សនៈវិស័យរបស់ខ្លួន។ ម្យ៉ាងវិញទៀត ប្រមុខរាជរដ្ឋាភិបាលកម្ពុជាបានរៀបចំនូវ គោលនយោបាយ ផែនការយុទ្ធសាស្រ្តចតុកោណឡើង ដើម្បីគ្រប់គ្រងប្រទេសឲ្យមានកំណើន សេដ្ឋកិច្ច ព្រមទាំងការអភិវឌ្ឍន៍ ដែលក្នុងនោះមានវិស័យចម្បងៗដូចជា ការលើកស្ទួយវិស័យ​កសិកម្ម ការបន្តស្តារហេដ្ឋារចនាសម្ព័ន្ធរូបវ័ន្ត ការអភិវឌ្ឍន៍ផ្នែកឯកជន ការងារសុខាភិបាល ការ​កសាងសមត្ថ ­ ភាព និងការអភិវឌ្ឍន៍ធនធានមនុស្ស ការអភិវឌ្ឍន៍វិស័យទេសចរណ៍ និងកាត់បន្ថយ​ភាពក្រីក្រជាដើម។ល។ ហើយអ្នកវិនិយោគទុនជាច្រើន បានបោះជំហ

ការសរសេរសារណាការគ្រប់គ្រងធនធានមនុស្ស(ជំពូកទី ៣)

ការសរសេរសារណាការគ្រប់គ្រងធនធានមនុស្ស( ជំពូកទី ៣) ជំពួកទី ៣ វិធីសាស្រ្តនៃការស្រាវជ្រាវ ៣.១. គ្រោងនៃការវិភាគ ៣.១.១. ការកំណត់អថេរ គម្រោងនៃការវិភាគផ្ដោតលើអថេរទាំងពីរគឺ អថេរឯករាជ្យ (Independent Variable) និង​អថេរ​មិនឯករាជ្យ (Dependent Variable) អថេរទាំងពីរមានទំនាក់ទំនងគ្នាយ៉ាងជិតស្និតមិនអាច​កាត់​ផ្ដាច់ពីគ្នាបានទេ។ -    អថេរមិនឯករាជ្យ ៖ ឬហៅថាអថេរអាស្រ័យ គឺជាអថេរគោលដែលទទួលរងឥទ្ធិពលពីគេ​ទាំងស្រុង។ លទ្ធផលរបស់វាប្រសើរ ឬមិនប្រសើរវាអាស្រ័យលើអថេរឯករាជ្យទាំងស្រុងដែលមាន​ឥទ្ធិពលដោយផ្ទាល់នៅគ្រប់សកម្មភាពដែលបានអនុវត្តន៍ ដូច្នេះវាពឹងផ្អែកទាំងស្រុងលើអថេរ​ឯក­រាជ្យ។ -    អថេរឯករាជ្យ ៖ ហៅថាអថេរមិនស្រ័យជាអថេរដែលជះឥទ្ធិពល ដោយផ្ទាល់លើអថេរ​មិនឯករាជ្យ។ អថេរនេះជាគន្លឹះដ៏មានសារៈសំខាន់ក្នុងការឲ្យគោលបំណងរបស់អង្គភាពទទូលបាន​ជោគជ័យ។ ក. អថេរមិនឯករាជ្យ សំដៅលើប្រធានបទស្ដីពីការគ្រប់គ្រងធនធានមនុស្ស ដោយហេតុនេះជាប្រយោជន៍ដែលត្រូវ​បានកំណត់ថាអថេរមិនឯករាជ្យ ហើយត្រូវបានសិក្សានៅក្នុងគម្រោងនៃការវិភាគនេះ។ ប្រសិទ្ធភាព​នៃការត្រួតពិនិត្យ និងកែលម្អការគ្រប់គ្រងធនធានមនុស្សត្រូវបានចាត់ទុកជាគន្លឹះយ៉ាងសំខាន់ក្នុង​ដំណើរការប្រត